紐約之行 (Fall 2008)

在大選過後到紐約市渡過剛過去的週末﹐但係今次卻選擇坐巴士從華盛頓北上﹐每程足足坐左五個鐘頭車﹐下次真係咪搞。

選擇巴士的原因係價錢平﹐來回車費唔洗四十美金。與坐火車(Amtrak)比較﹐火車快超過一個鐘頭﹐但係火車來回票價就需要成兩百美金。不過下次有得選擇的話﹐我寧願俾多D錢搭火車﹗始終火車座位舒服﹐我條腰骨唔洗受罪﹗

今次到紐約的其中一個節目就係在星期五傍晚到哥倫比亞大學國際事務學院﹐去聽一個關於維吾爾族的講座。題目叫做"Forgotten Communities of Inner Eurasia-China, Central Asia, and the Uyghurs: Exploring the Challenges of Cultural Hybridity"。講者包括來自喬治華盛頓大學的東亞系教授Sean Roberts、喬治城大學的教授James Millward﹔在全美唯一一所設立有關維吾爾族研究學系的印第安納大學布明頓分校(Indiana University, Bloomington)教授Gardner Bovingdon﹐以及自由亞洲電台(Radio Free Asia)的維吾爾語部編輯Nabijan Tursun。 在坐很多都係哥大的研究生﹐也有不少來自中國大陸的學生﹐講座內容也提及疆獨的成因以及維吾爾族文化面臨中國當局推行漢化的威脅。讓我感到欣慰的是所有人均能在問答環節當中平心靜氣的發問以及討論﹐並無所謂“愛國憤青”到場“宣揚民族大義”等搞事動作。